Eina margarítu takk!

05 May 2016

Sláðu í gegn í næsta Mexikóska matarboði með því að bjóða uppá klassíska margarítu.

 





Klassíska margarítu er mjög auðvelt að gera.
Margir frá algjöran hroll við tilhugsunina um að nota tequila í kokteila. Það er hins vegar alls ekki það sama að taka tequila skot af barnum og að drekka góða margarítu.

Klassísk Margaríta.

1/3 skotglas af sykursýrópi
1/3 skotglas af lime safa
1/3 skotglas af Cointreau
1 skotglas af góðu tequila
klaki
Lime til að skera í sneiðar
Salt fyrir rúnirnar á glasinu (maldon salt finnst mér best því það er gróft og ekki of saltað)


Skerið lime í sneiðar, nuddið einni á brúnina á glasinu. Setjið smá salt í undirskál og dýfið glasinu í það.

Hristið svo öll hráefnin í kokteilhristara vel saman með klökum.
Hellið í glasið og berið fram með sneið af lime á brúninni.

Það getur verið að gott að kæla glasið með klökum á meðan drykkurinn er hristur.







Skál fyrir sumrinu.

Marta Rún